Nga Jonida Shano
Ajri i ndotur është kthyer në një kërcënim i padukshëm për shëndetin e banorëve në rajonin Korçës. Në takimet e zhvilluara me aktorët lokal u theksua si ai përbën një nga problemet e mëdhaja mjedisore në rajon që ndikon në cilësinë e jetës së banorëve dhe në shëndetin publik. Për fat të keq, institucionet përgjegjëse kanë dështuar të kryejnë monitorime të rregullta dhe të informojnë publikun për rreziqet që sjellë kjo ndotje.
Disa nga burimet kryesore të ndotjes së ajrit në Korçë janë:
- Industria: Ndërmarrjet industriale dhe fabrikat që operojnë në rajon përdorin shpesh lëndë djegëse për prodhim dhe energji, çka shkakton emetimin e ndotësve në atmosferë. Kjo përfshin oksidet e azotit (NOx), oksidet e squfurit (SOx), dhe materialet partikulate (PM).
- Trafiku i Automjeteve: Trafiku i rënduar dhe përdorimi i makinave të vjetra me emetim të lartë kontribuojnë ndjeshëm në ndotjen e ajrit. Gazrat e dëmshëm si dioksidi i karbonit (CO2), monoksidi i karbonit (CO), dhe hidrokarbure të pa djegura plotësisht janë shkaktarë kryesorë të ndotjes.
- Ngrohja e Banesave: Në dimër, përdorimi i druve për ngrohje në banesat private është një burim i madh i ndotjes së ajrit. Djegia e këtyre materialeve lëshon grimca të imëta dhe ndotës të tjerë të rrezikshëm.
- Aktivitetet Bujqësore: Praktikat bujqësore, si djegia e kashtës dhe përdorimi i pesticideve dhe fertilizuesve janë burime të tjera të ndotjes që ndikojnë negativisht në cilësinë e ajrit.
Ndikimet e Ndotjes së Ajrit
- Shëndeti Publik: Ndotja e ajrit është lidhur me një sërë problemesh shëndetësore, përfshirë sëmundjet respiratore si astma dhe bronkiti, sëmundjet kardiovaskulare, dhe probleme të tjera shëndetësore. Fëmijët dhe të moshuarit janë veçanërisht të ndjeshëm ndaj ndotjes së ajrit.
- Mjedisi: Ndotësit atmosferikë dëmtojnë ekosistemet, duke shkaktuar dëme në bimë dhe kafshë. Për më tepër, acidifikimi i tokave dhe burimeve ujore për shkak të shiut acid (që formohet nga oksidet e azotit dhe oksidet e squfurit në atmosferë) përbën një kërcënim për tokat dhe burimet ujore.
- Cilësia e Jetës: Ndotja e ajrit ndikon në cilësinë e jetës së banorëve, duke reduktuar cilësinë e ajrit që thithin dhe krijuar kushte të pafavorshme për jetesë dhe punë.
Zgjidhja: Bashkëpunim për një Mjedis më të Pastër
Për të adresuar këtë problem, është e domosdoshme një bashkëpunim i ngushtë midis autoriteteve lokale, komunitetit dhe sektorit privat. Vetëm përmes një qasjeje të përbashkët mund të arrihet krijimi i një mjedisi më të pastër dhe më të shëndetshëm për të gjithë banorët e rajonit të Korçës.
