THIRRJA PËR GRANTE ‘TË DEDIKUARA’ DO TË QËNDROJË E HAPUR DERI NË DATËN 22 QERSHOR 2025.
Grantet e Dedikuara kanë për qëllim të rrisin kapacitetet dhe mbështesin financiarisht OSHC lokale (pa dhe me përvojë të kufizuar) për të reaguar dhe përgjigjur një zhvillimi/problematike me ndikim mjedisor ose ndërsektorial, për ta sjellë në vëmëndje të qytetarëve dhe vendimmarrësve me synim adresimin, ndërgjegjësimin dhe marrjen e masave ndaj problematikës.
Objektivat e thirrjes janë:
- Mbështetje dhe fuqizimi i OSHC-ve lokale (pa dhe me përvojë të kufizuar) për të reaguar dhe vepruar ndaj një zhvillimi/problematike me ndikim mjedisor i cili cënon mirëqenien e komunitetit ose grupeve të caktuara;
- Nxitja e angazhimit komunitar dhe rritja e presionit pozitiv për transparencë dhe llogaridhënie në proceset e hartimit të politikave, strategjive apo projekteve zhvillimore me ndikim të ndjeshëm mjedisor ose ndërsektorial;
Kush mund të aplikojë?
Ju mund të aplikoni nëse:
- Jeni një organizatë lokale e shoqërisë civile ose një GVV e regjistruar me vendim gjykate, pa ose me përvojë të kufizuar;
- Nisma me të cilën po aplikoni adreson një çështje mjedisore ose ndërsektoriale në zonën ku veproni;
- Dëshironi të rrisni kapacitetet tuaja organizative dhe advokuese;
- Keni identifikuar një problematikë me ndikim mjedisor ose ndërsektorial por nuk dini si dhe ku ta adresoni;
- Jeni të gatshëm t’i përkushtoheni punëtorive dhe proceseve mentoruese të parashikuara nga kjo skemë grantesh;
Tipologjia e mbështetjes financiare
- Vlera maksimale e grantit: 5,000 EUR
- Kohëzgjatja e zbatimit të projektit: 6 muaj
- Shtrirja territoriale: Shqipëri
Periudha e Aplikimit: 22 Maj – 22 Qershor, 2025.
Takime Orientues: Dibër; Kukës; Pogradec, Vlorë; Durrës, Elbasan;
Më poshtë mund të gjeni udhëzuesin e thirrjes me të gjitha hapat, rregullat, dokumentacionin e kërkuar dhe afatet përkatëse:
Aplikimi dhe dokumentat administrative duhet të dorëzohen ONLINE, duke i ngarkuar në tabelën e mëposhtme. Dokumentat e ngarkuara NUK duhet të kalojnë 5MB.
Afati i fundit për aplikim 22 Qershor 2025, ora 16:00;
Për çdo pyetje mund të na drejtoheni me shkrim në adresën info@greenal.al.
Forma e Aplikimit